Atun tak a nei leng na ramual a hin, ka thira ka tinta chian a, miring hi anpon sabak kiar keng nani zei hile. Lungkhamna nei man mu thei na ngai a man mu thei chachak mak me. Sanna nei pek thei na ngai a pek zot chachak mak me. Nei riat nei thei te ngai dora hi mun khat a na manchel thei nok ten na DERDIN nei suak narang ala zap rang kukui mo...
Hasik han tho utarei!! Na misang; na misanga asat andon chunga phut urei.Na naam mel asa nget hi maniapur maikhanga ei la kop nget rang ti hi ka salung rila alan zep chian alani..
Thursday, September 2, 2010
Friday, August 20, 2010
Wednesday, August 11, 2010
2016 Olympic Tower a lei ansin sua zei.
Hiva Tower hi Mual anlan malai taka a om ani na mi khual a hong dora in um ei mu len thei na ranga abik te na Aeroplane le Jahaj le hong ngai .
Tuesday, August 10, 2010
Halam naam hi itik mo raku khat a nei kai thei rang???
Hontin nei tho na mo munkhat a nei om thei rang? I ang zat chong nei ril ngal a mo loko na nei om thei rang tak.
Halam hile itik ngal mo Vantang mipui in ei na riat sua urang tak....
Halam hile itik ngal mo Vantang mipui in ei na riat sua urang tak....
Monday, August 9, 2010
Halam.
Halam Community nei ti babang chachak hanle tu tu mo Halam Community na Naam anchel? Mitam dor mur kip ata ei ti u ngai antei chip. Hong mo asik?
12 naam pui keng Halam chu ati babang u chachak, tenchu ho senkhat mihien ngai lekha bu anziak nana na en ret ten achan amani um antei chip a maziek ret u.
Tu mo kei iem rang????
Hasik han koini kara len Halam sunga ta lekha a lei anziek ving lei om thei ila chu avian hin tutu mo Halam kara naam a om nani hi an riat kiar thei zei mani.
hasik Dokchuai na hun nimak nei suak ten chu Asat andon chunga ma lak nget nang ti hi mandon zel urei.
12 naam pui keng Halam chu ati babang u chachak, tenchu ho senkhat mihien ngai lekha bu anziak nana na en ret ten achan amani um antei chip a maziek ret u.
Tu mo kei iem rang????
Hasik han koini kara len Halam sunga ta lekha a lei anziek ving lei om thei ila chu avian hin tutu mo Halam kara naam a om nani hi an riat kiar thei zei mani.
hasik Dokchuai na hun nimak nei suak ten chu Asat andon chunga ma lak nget nang ti hi mandon zel urei.
Kaipeng Photos
 |
| Kaipeng Naam Puan le. |
Citizen Journalism.
Angkhat pei mi in Citizen Journalism lampui a ro thei. Tenchu ami man dang om norase. Ruitang ansuak ngai ii mo Newspapers, Radio, TV, Magazine ngai a apek kiar thei. Hasik han achi unoro angkhat pei lampui ruang cha na nei mu nei riat asa moni asiat moni asadima maziak tanla Newspaper a publish na tho pe unti.
Nei riat anga hin chu, Journalist hi anni a oma.
1. Professional Journalism
le
2. Citizen Journalism a om ret a.
Ei antei bet na a oma, CJ chu atak taka rui apuang thei a; tenchu PJ in chu ataktaka rasua thei noni asik chu mikoma ta rui ei lak sika, amun ata rui va lak luia. Hasik han atun taka media in chu CJ hi ei manpak le ei jot khit ani.
Atun chu nang le hong mo Sorkar in riat ving sala tina nei tinta chachak... rasua kiar tan atun chu Press a va pek taro.
Nei riat anga hin chu, Journalist hi anni a oma.
1. Professional Journalism
le
2. Citizen Journalism a om ret a.
Ei antei bet na a oma, CJ chu atak taka rui apuang thei a; tenchu PJ in chu ataktaka rasua thei noni asik chu mikoma ta rui ei lak sika, amun ata rui va lak luia. Hasik han atun taka media in chu CJ hi ei manpak le ei jot khit ani.
Atun chu nang le hong mo Sorkar in riat ving sala tina nei tinta chachak... rasua kiar tan atun chu Press a va pek taro.
MNREGA
India na mi dora in Mahatma Gandhi National Rural Employment Guarantee Act hi ariat sabak sua na, sum um kumin a hi chu ahek ret kukui moni zei tak... Tenchu Koini na Halam kara le tutu ngal mo Benefiaries alei a chang nani sua zei tak..... Achan anzak na om... Hontin changa mo avian tena mi tei in ei na la huang bang thei alani tak.
Assam tiang a Lowairpoa block a om ngai vang so chu ite rui tang ngal riat sua umak. Huang var hi nan pek nok ani nan tenchu chung tuar narang lampui reng om noni.
Assam tiang a Lowairpoa block a om ngai vang so chu ite rui tang ngal riat sua umak. Huang var hi nan pek nok ani nan tenchu chung tuar narang lampui reng om noni.
Thursday, February 11, 2010
RYA in Voi 13 na Khompui adon u.
Langkhanphong khua Karimganj District sunga (Assam) a ni 04 nata ni 06 february ten a han khompui alian pa RYA in a don a. Hava na mi khual duai hi 750 tang ani u. Khompui a khual-lian mi a an mang ngai Dr. M. Angamathu IAS. D.C of Karimganj le KartiK Sena Sinha MLA of Patharkandi Constituency ngai in ana hong pham pui sabak u na. Khual-lian ngai in Sorkar tienga tamtak na naam in Chang-ai ei la man sua nok ngai dora hi’m ei an rap sabak thei narang changa Ranglong/Halam om na ravel lima son ei an pek len rang ti chong atin u.
RYA na Ruaitu ngai anthul u.
Kum 2010 ata 2012 sunga anan ruai rang ngai.
President Reuben in a khua ti na branch koma le branch la om lui na ngai khua na va chei kiar in ti na. RYA derdin hi mitin in ei var thei naranga. Nana rakel thei u hong sika mo mitin in ei var thei narang kher kei mang na... Hanle hong sika mo avian tena RYA a, na Ranglong chang na nei man lang thei nok? Hava sika han akhua tina Ruaitu ngai hong unti na, nang in koi keng anang kani ti tak ha na lei man don chip ranga anthem nani u.
Sl. No. Araming Ei ni na Atun taka asin tho
01. Reuben Ranglong President Social worker
02. Jabesh Halam Vice Presedent LIC
03. Ringpanjoy Halam Gen. Secretary Teacher
04. Robert Molsom Asst. Secretary
05. Zeingakmanik Halam Treasurer Revenue & DM Circle Officer
06. Thomas Halam Financial Secretary Teacher
07. Nguljonlian Ranglong Teacher
08. Zeiluabum Halam
09. Ngulmanring Ranglong Social worker
RYA kumpuang.
RYA in thuithar ngai ranga le mi puiting ngai ranga chong be alian khit ei puang khat hi chu – Naam chong lekha bu sin ranga le atateia’m nei thei anga la na mo ni, CD lei sin vivinga mo ni, nei ang belbo taka chong nei lalchi zia le nei poron zia anlang rase tina kum 2010 hi naam chong a uar kum ati una.
RYA khompui a La thei atam asuak sabak!!
Khompui sunga mi anchel dora hi ka thir chian a, ma lak sabak keng nani zei! Alom pei a, abik tena Bro. Anthony Ranglong ala tho ngai a music set sut dan le tum dan ngai dora ha ka man don chian ani ten –avian tena ka kepha nuai tiang thak-thak kala man tho. Hatuka Ranglong Idol a an-eng ngai um ala tho u ka rangai chiana ahui rahei a hin ka rai mo asan, ole ka ning mo abui ti thei makung a ka ner ka lik bobota ka om.
Langkhanphong ngai anpak rua khop u keng.
Khua sin te keng ka ti chian cha chaka, na naam dora a na lei madom kiar u na, achalaka Langkhanphong Branch ata na lom tena anchu na nang! Khua kola ta ase ngai um angkhat ngal mazok umaka bu’n cham le ti’n ral ngai dora aman kho kiar u. Branch tamtak in um achalaka an don u amani in le Langkhanphong ngai tho dan ang han lei tho thei uni mo ati na.
Kum athara RYA khompui mun hi lan ruat mak.
Sot lui te na RYA khompui mun hi nei man len rang ninti. Atun taka nei riat anga chu khua tamtak in tunkung ranga hin mun anchu ninti..
Pipla khua na Fr. Ajimon MSFS, in Retreat adon pui.
December 30 2009 ata 3 January 2010 ten han Fr. Ajimon MSFS, Itanagar diocese ata Manikbond Parish pumpui ranga Pipla khua na Retreat a honga nei pui. Mi tamtak an piangthar u. Sermon um ahui sabaka ei ril, hatuka Catechist Andrew Ranglong Kanhmun Parish ata, ama han amalet kiara von ancham le ti’n ral ngal om mak. Hatuka chu Pipla ngai in Pendol ei sin u ham achalaka mipui in satna tianga ril rang khop a sin una. Alian sabaka ri le chian anrin chunga hatuka chu Pendol sunga chapui khat ngal om ret maka.
Ranglong Idol 2009 mel andang rang ani zei!
Na naam pumpui in na lei mangang sabak Ranglong Idol raming anput rang tu mo ti na, ten sot lai mak ha raming anput pu mel nei mu le nei riat narang, Ranglong Idol Organising Committee (RIOC) na General Secretary in ei na ril dana chu February 24, 2010. khului tieng ninti. Hatuka avian khului dar 05:30 Chonuk (cn) tieng Top 4 na andang inti.
Swine flu hi atak u keng! Tenchu, Anlai na chu miring keng alei a sin nani.
James Halam.
Atun tak na thir chian anten India na hin, vantang mipui in misalui ngai (Rammi) neka Swine flu keng nei achi bet ani zei. Asik khit chu, Media in atun taka ramual ei hip sika ani na. Media in Swine flu nata athi ngai rong hi ratha tak sabaka aman lang chian una, tenchu miring swine flu tonga ta ituk mo adam ani zei hava chu raisan taka man lang zet ret u mak a.
Swine flu ti omzia chu Vok rikhua ti na ani na. Hiva rikhua hi Official a chu ’new N1H1’ raming anpek a. Mankhita Swine flu ei hong an lang na chu April 2009 Mexico na ani na. Swine flu sika hin achan malung buaina na ana siaka. Ase tha ngai vang han chu, Mumbai a School le College ngai dora hapta khat tang chu ankhar kier a, Cinema hall ngai um ninthum chu ankhar ti um na riat sa na. USA na mi 400 neka a om zei a Swine flu tonga athi tenchu amani ngai ranga le anlai na suak um chu u le le maka... IT Industry ngai um achan loss achul una. Asik chu sintho mi ngai dora suak uthei lui a ei om u sika ani na.
Swine flu hi mi khat tak chunga ei hong an lang dan chu, influenza na -a tak in ei hong tun rang, Burkhu na, Lun haai a, Ru zeng a, Rol ana na. Ho mun a mo chu Maluak ansuak le Rathari’n ei man kei ata am Report anlang ti na riat ret a. Hiva ang rikhua atun tak na tong ving anten Doctor koma van en len ro. Naipang tienga athir sabak nei nang ret chu, aner kol le avun ahong a dum le, a pum ahong a char ten, a phuk san anrap sabak ten, a sot pa ngai a in ten sot u lai lui tana Doctor kom a va man en len u ro. Ulian ngai rang ret chu, na phuk ansam le, na rop le na mataai ana le, na maluak ansuak rarak ten check up van tho len uro. Swine flu rikhua sika hin Indian Economy achan nanson pui thei lai maka, asik chu mi tam tak suak thei lui a ratha tak duai a nei om sika ani na.
Indaian Medical Association (IMA) a Vice Chairman Dr. Ajay Gambhir in ei ti, India hi chu Swine flu sika an lai rua lani mak me. Mexico le USA na mi ngai ei thi u ang chu la thi mak me do ati na. Swine flu virus hi ei lum sabak na mun ngai vanga chu asot dam thei mak ankhi na na Delhi ngai i son. School ngai i ankhar nang mak mi khat dak Swine flu positive chang na le. Hava nek ani ten chu, mipui in lei zi kiar thei ila; Sabon le asa dima kut ansuk, na nar na bai puan le anruk mipui bila na om le, ti lum na rol in ei chole rang dor anek sabaka, hanok ten chaa le dut anpola. Swine flu nek anten chu Japanese Encephalitis le Dengue rikhua ngai hi keng anchi rua. Hanum India na mipui in chu Swine flu rathataka Hospital alian ngai a se ro mi antang a line anding so. Atun tak India na Swine flu tong anson riam am nirase ei man dam u keng atam riam ani zei. Na mi tam dor pei test antho nang kiar mak me na, natna don rong nok chu. World Health Organisation (WHO) in ei ti na matona kum 2 sunga hin miring Billion 2 tang hi Swine flu tong om rang ti hi nei riat ret khat chu ani na. Hasika han nangkana na lei anlai rang nek an ten chu atun a ta a lei an reng sabak hi anang.
Langkhanphong khua Karimganj District sunga (Assam) a ni 04 nata ni 06 february ten a han khompui alian pa RYA in a don a. Hava na mi khual duai hi 750 tang ani u. Khompui a khual-lian mi a an mang ngai Dr. M. Angamathu IAS. D.C of Karimganj le KartiK Sena Sinha MLA of Patharkandi Constituency ngai in ana hong pham pui sabak u na. Khual-lian ngai in Sorkar tienga tamtak na naam in Chang-ai ei la man sua nok ngai dora hi’m ei an rap sabak thei narang changa Ranglong/Halam om na ravel lima son ei an pek len rang ti chong atin u.
RYA na Ruaitu ngai anthul u.
Kum 2010 ata 2012 sunga anan ruai rang ngai.
President Reuben in a khua ti na branch koma le branch la om lui na ngai khua na va chei kiar in ti na. RYA derdin hi mitin in ei var thei naranga. Nana rakel thei u hong sika mo mitin in ei var thei narang kher kei mang na... Hanle hong sika mo avian tena RYA a, na Ranglong chang na nei man lang thei nok? Hava sika han akhua tina Ruaitu ngai hong unti na, nang in koi keng anang kani ti tak ha na lei man don chip ranga anthem nani u.
Sl. No. Araming Ei ni na Atun taka asin tho
01. Reuben Ranglong President Social worker
02. Jabesh Halam Vice Presedent LIC
03. Ringpanjoy Halam Gen. Secretary Teacher
04. Robert Molsom Asst. Secretary
05. Zeingakmanik Halam Treasurer Revenue & DM Circle Officer
06. Thomas Halam Financial Secretary Teacher
07. Nguljonlian Ranglong Teacher
08. Zeiluabum Halam
09. Ngulmanring Ranglong Social worker
RYA kumpuang.
RYA in thuithar ngai ranga le mi puiting ngai ranga chong be alian khit ei puang khat hi chu – Naam chong lekha bu sin ranga le atateia’m nei thei anga la na mo ni, CD lei sin vivinga mo ni, nei ang belbo taka chong nei lalchi zia le nei poron zia anlang rase tina kum 2010 hi naam chong a uar kum ati una.
RYA khompui a La thei atam asuak sabak!!
Khompui sunga mi anchel dora hi ka thir chian a, ma lak sabak keng nani zei! Alom pei a, abik tena Bro. Anthony Ranglong ala tho ngai a music set sut dan le tum dan ngai dora ha ka man don chian ani ten –avian tena ka kepha nuai tiang thak-thak kala man tho. Hatuka Ranglong Idol a an-eng ngai um ala tho u ka rangai chiana ahui rahei a hin ka rai mo asan, ole ka ning mo abui ti thei makung a ka ner ka lik bobota ka om.
Langkhanphong ngai anpak rua khop u keng.
Khua sin te keng ka ti chian cha chaka, na naam dora a na lei madom kiar u na, achalaka Langkhanphong Branch ata na lom tena anchu na nang! Khua kola ta ase ngai um angkhat ngal mazok umaka bu’n cham le ti’n ral ngai dora aman kho kiar u. Branch tamtak in um achalaka an don u amani in le Langkhanphong ngai tho dan ang han lei tho thei uni mo ati na.
Kum athara RYA khompui mun hi lan ruat mak.
Sot lui te na RYA khompui mun hi nei man len rang ninti. Atun taka nei riat anga chu khua tamtak in tunkung ranga hin mun anchu ninti..
Pipla khua na Fr. Ajimon MSFS, in Retreat adon pui.
December 30 2009 ata 3 January 2010 ten han Fr. Ajimon MSFS, Itanagar diocese ata Manikbond Parish pumpui ranga Pipla khua na Retreat a honga nei pui. Mi tamtak an piangthar u. Sermon um ahui sabaka ei ril, hatuka Catechist Andrew Ranglong Kanhmun Parish ata, ama han amalet kiara von ancham le ti’n ral ngal om mak. Hatuka chu Pipla ngai in Pendol ei sin u ham achalaka mipui in satna tianga ril rang khop a sin una. Alian sabaka ri le chian anrin chunga hatuka chu Pendol sunga chapui khat ngal om ret maka.
Ranglong Idol 2009 mel andang rang ani zei!
Na naam pumpui in na lei mangang sabak Ranglong Idol raming anput rang tu mo ti na, ten sot lai mak ha raming anput pu mel nei mu le nei riat narang, Ranglong Idol Organising Committee (RIOC) na General Secretary in ei na ril dana chu February 24, 2010. khului tieng ninti. Hatuka avian khului dar 05:30 Chonuk (cn) tieng Top 4 na andang inti.
Swine flu hi atak u keng! Tenchu, Anlai na chu miring keng alei a sin nani.
James Halam.
Atun tak na thir chian anten India na hin, vantang mipui in misalui ngai (Rammi) neka Swine flu keng nei achi bet ani zei. Asik khit chu, Media in atun taka ramual ei hip sika ani na. Media in Swine flu nata athi ngai rong hi ratha tak sabaka aman lang chian una, tenchu miring swine flu tonga ta ituk mo adam ani zei hava chu raisan taka man lang zet ret u mak a.
Swine flu ti omzia chu Vok rikhua ti na ani na. Hiva rikhua hi Official a chu ’new N1H1’ raming anpek a. Mankhita Swine flu ei hong an lang na chu April 2009 Mexico na ani na. Swine flu sika hin achan malung buaina na ana siaka. Ase tha ngai vang han chu, Mumbai a School le College ngai dora hapta khat tang chu ankhar kier a, Cinema hall ngai um ninthum chu ankhar ti um na riat sa na. USA na mi 400 neka a om zei a Swine flu tonga athi tenchu amani ngai ranga le anlai na suak um chu u le le maka... IT Industry ngai um achan loss achul una. Asik chu sintho mi ngai dora suak uthei lui a ei om u sika ani na.
Swine flu hi mi khat tak chunga ei hong an lang dan chu, influenza na -a tak in ei hong tun rang, Burkhu na, Lun haai a, Ru zeng a, Rol ana na. Ho mun a mo chu Maluak ansuak le Rathari’n ei man kei ata am Report anlang ti na riat ret a. Hiva ang rikhua atun tak na tong ving anten Doctor koma van en len ro. Naipang tienga athir sabak nei nang ret chu, aner kol le avun ahong a dum le, a pum ahong a char ten, a phuk san anrap sabak ten, a sot pa ngai a in ten sot u lai lui tana Doctor kom a va man en len u ro. Ulian ngai rang ret chu, na phuk ansam le, na rop le na mataai ana le, na maluak ansuak rarak ten check up van tho len uro. Swine flu rikhua sika hin Indian Economy achan nanson pui thei lai maka, asik chu mi tam tak suak thei lui a ratha tak duai a nei om sika ani na.
Indaian Medical Association (IMA) a Vice Chairman Dr. Ajay Gambhir in ei ti, India hi chu Swine flu sika an lai rua lani mak me. Mexico le USA na mi ngai ei thi u ang chu la thi mak me do ati na. Swine flu virus hi ei lum sabak na mun ngai vanga chu asot dam thei mak ankhi na na Delhi ngai i son. School ngai i ankhar nang mak mi khat dak Swine flu positive chang na le. Hava nek ani ten chu, mipui in lei zi kiar thei ila; Sabon le asa dima kut ansuk, na nar na bai puan le anruk mipui bila na om le, ti lum na rol in ei chole rang dor anek sabaka, hanok ten chaa le dut anpola. Swine flu nek anten chu Japanese Encephalitis le Dengue rikhua ngai hi keng anchi rua. Hanum India na mipui in chu Swine flu rathataka Hospital alian ngai a se ro mi antang a line anding so. Atun tak India na Swine flu tong anson riam am nirase ei man dam u keng atam riam ani zei. Na mi tam dor pei test antho nang kiar mak me na, natna don rong nok chu. World Health Organisation (WHO) in ei ti na matona kum 2 sunga hin miring Billion 2 tang hi Swine flu tong om rang ti hi nei riat ret khat chu ani na. Hasika han nangkana na lei anlai rang nek an ten chu atun a ta a lei an reng sabak hi anang.